677
=U2= 4,1-13 -- Begriffes --
=S=> Gen 50,1 Ioseph ruit super faciem patris flens et deosculans eum .
=S=> Gen 50,2 Praecepitque servis suis medicis , ut aromatibus condirent patrem .
=S=> Gen 50,3 Quibus iussa explentibus , transierunt quadraginta dies ; iste quippe mos erat cadaverum conditorum . Flevitque eum Aegyptus septuaginta diebus .
=S=> Gen 50,4 Et , expleto planctus tempore , locutus est Ioseph ad familiam pharaonis : “ Si inveni gratiam in conspectu vestro , loquimini in auribus pharaonis ,
=S=> Gen 50,5 eo quod pater meus adiuraverit me dicens : En morior ; in sepulcro meo , quod fodi mihi in terra Chanaan , sepelies me ; ascendam nunc et sepeliam patrem meum ac revertar ” .
=S=> Gen 50,6 Dixitque ei pharao : “ Ascende et sepeli patrem tuum , sicut adiuratus es ” .
=S=> Gen 50,7 Quo ascendente , ierunt cum eo omnes servi pharaonis , senes domus eius cunctique maiores natu terrae Aegypti ,
=S=> Gen 50,8 domus Ioseph cum fratribus suis , absque parvulis et gregibus atque armentis , quae dereliquerant in terra Gessen .
=S=> Gen 50,9 Habuit quoque in comitatu currus et equites ; et facta est turba non modica .
=S=> Gen 50,10 Veneruntque ad Gorenatad ( id est Aream rhamni ) , quae sita est trans Iordanem ; ubi celebrantes exsequias planctu magno atque vehementi impleverunt septem dies .
=S=> Gen 50,11 Quod cum vidissent habitatores terrae Chanaan , dixerunt : “ Planctus magnus est iste Aegyptiis ” ; et idcirco vocatum est nomen loci illius Abelmesraim ( id est Planctus Aegypti ) .
=S=> Gen 50,12 Fecerunt ergo filii Iacob , sicut praeceperat eis ;
=S=> Gen 50,13 et portantes eum in terram Chanaan sepelierunt eum in spelunca Machpela , quam emerat Abraham cum agro in possessionem sepulcri ab Ephron Hetthaeo contra faciem Mambre .
=U2= 50,14-26 -- Josefs letzte Lebensjahre und sein Tod
--
=S=> Gen 50,14 Reversusque est Ioseph in Aegyptum cum fratribus suis et omni comitatu , sepulto patre .
=S=> Gen 50,15 Quo mortuo , timentes fratres eius et mutuo colloquentes : “ Ne forte memor sit iniuriae , quam passus est , et reddat nobis omne malum , quod fecimus ” ,
=S=> Gen 50,16 mandaverunt ei dicentes : “ Pater tuus praecepit nobis , antequam moreretur ,
=S=> Gen 50,17 ut haec tibi verbis illius diceremus : Obsecro , ut obliviscaris sceleris fratrum tuorum et peccati atque malitiae , quam exercuerunt in te . Nos quoque oramus , ut servis Dei patris tui dimittas iniquitatem hanc ” . Quibus auditis , flevit Ioseph .
=S=> Gen 50,18 Veneruntque ad eum fratres sui et proni coram eo dixerunt : “ Servi tui sumus ” .
=S=> Gen 50,19 Quibus ille respondit : “ Nolite timere . Num Dei possumus resistere voluntati ?
=S=> Gen 50,20 Vos cogitastis de me malum ; sed Deus vertit illud in bonum , ut exaltaret me , sicut in praesentiarum cernitis , et salvos faceret multos populos .
=S=> Gen 50,21 Nolite timere : ego pascam vos et parvulos vestros ” . Consolatusque est eos et blande ac leniter est locutus .
=S=> Gen 50,22 Et habitavit in Aegypto cum omni domo patris sui ; vixitque centum decem annis
=S=> Gen 50,23 et vidit Ephraim filios usque ad tertiam generationem ; filii quoque Machir filii Manasse nati sunt in genibus Ioseph .
=S=> Gen 50,24 Quibus transactis , locutus est fratribus suis : “ Post mortem meam Deus visitabit vos et ascendere vos faciet de terra ista ad terram , quam iuravit Abraham , Isaac et Iacob ” .
=S=> Gen 50,25 Cumque adiurasset eos atque dixisset : “ Deus visitabit vos ; asportate ossa mea vobiscum de loco isto ” ,
=S=> Gen 50,26 mortuus est , expletis centum decem vitae suae annis . Et conditus aromatibus repositus est in loculo in Aegypto .
|
