1083
=U2= 30,1-24 -- Söhne Jakobs
--
=S=> Gen 30,1 Cernens autem Rachel quod infecunda esset , invidit sorori et ait marito suo : “ Da mihi liberos , alioquin moriar ” .
=S=> Gen 30,2 Cui iratus respondit Iacob : “ Num pro Deo ego sum , qui privavit te fructu ventris ? ” .
=S=> Gen 30,3 At illa : “ Ecce , inquit , famula mea Bilha ; ingredere ad illam , ut pariat super genua mea , et habeam ex illa et ego filios ” .
=S=> Gen 30,4 Deditque illi Bilham famulam suam in coniugium . Quae ,
=S=> Gen 30,5 ingresso ad se Iacob , concepit et peperit filium .
=S=> Gen 30,6 Dixitque Rachel : “ Iudicavit mihi Deus et exaudivit vocem quoque meam dans mihi filium ” ; et idcirco appellavit nomen illius Dan .
=S=> Gen 30,7 Rursumque Bilha famula Rachel concepit et peperit Iacob alterum filium , et
=S=> Gen 30,8 ait Rachel : “ Certamina Dei certavi cum sorore mea et invalui ” ; vocavitque eum Nephthali .
=S=> Gen 30,9 Sentiens Lia quod parere desisset , sumpsit Zelpham ancillam suam et tradidit eam Iacob in uxorem .
=S=> Gen 30,10 Quae peperit Iacob filium .
=S=> Gen 30,11 Dixitque Lia : “ Feliciter ! ” ; et idcirco vocavit nomen eius Gad .
=S=> Gen 30,12 Peperit quoque Zelpha ancilla Liae Iacob alterum filium .
=S=> Gen 30,13 Dixitque Lia : “ Pro beatitudine mea ! Beatam quippe me dicent mulieres ” ; propterea appellavit eum Aser .
=S=> Gen 30,14 Egressus autem Ruben tempore messis triticeae , repperit in agro mandragoras , quas Liae matri suae detulit . Dixitque Rachel : “ Da mihi partem de mandragoris filii tui ” .
=S=> Gen 30,15 Illa respondit : “ Parumne tibi videtur , quod praeripueris maritum mihi , ut etiam mandragoras filii mei auferas ? ” . Ait Rachel : “ Dormiat ergo tecum hac nocte pro mandragoris filii tui ” .
=S=> Gen 30,16 Redeuntique ad vesperam Iacob de agro egressa est in occursum eius Lia et : “ Ad me , inquit , intrabis , quia mercede conduxi te pro mandragoris filii mei ” . Dormivitque cum ea nocte illa .
=S=> Gen 30,17 Et exaudivit Deus Liam , concepitque et peperit Iacob filium quintum
=S=> Gen 30,18 et ait : “ Dedit Deus mercedem mihi , quia dedi ancillam meam viro meo ” ; appellavitque nomen illius Issachar .
=M=> Gen 30,19 Rursum Lia concepit et peperit Iacob sextum filium
=S=> Gen 30,20 et ait : “ Donavit me Deus dono bono ; hac vice honorabit me maritus meus , eo quod genuerim ei sex filios ” ; et idcirco appellavit nomen eius Zabulon .
=S=> Gen 30,21 Post quem peperit filiam nomine Dinam .
=S=> Gen 30,22 Recordatus quoque Deus Rachelis exaudivit eam Deus et aperuit vulvam illius .
=S=> Gen 30,23 Quae concepit et peperit filium dicens : “ Abstulit Deus opprobrium meum ” ;
=S=> Gen 30,24 et vocavit nomen illius Ioseph dicens : “ Addat mihi Dominus filium alterum ! ” .
=U2= 30,25-43 -- Jakobs List gegen Laban
--
=S=> Gen 30,25 Nato autem Ioseph , dixit Iacob ad Laban : “ Dimitte me , ut revertar in patriam et ad terram meam .
=S=> Gen 30,26 Da mihi uxores et liberos meos , pro quibus servivi tibi , ut abeam ; tu nosti servitutem , qua servivi tibi ” .
=S=> Gen 30,27 Ait illi Laban : “ Inveniam gratiam in conspectu tuo ; augurio didici , quia benedixerit mihi Deus propter te .
=S=> Gen 30,28 Constitue mercedem tuam , quam dem tibi ” .
=S=> Gen 30,29 At ille respondit : “ Tu nosti quomodo servierim tibi et quanti in manibus meis facti sint greges tui .
=S=> Gen 30,30 Modicum habuisti , antequam venirem ad te , et nunc multiplicatum est vehementer , benedixitque tibi Dominus ad introitum meum . Nunc autem quando providebo etiam domui meae ? ” .
=S=> Gen 30,31 Dixitque Laban : “ Quid tibi dabo ? ” . At ille ait : “ Nihil mihi dabis ; si feceris , quod postulo , iterum pascam et custodiam pecora tua .
=S=> Gen 30,32 Gyrabo omnes greges tuos hodie ; separa cuncta pecora varia et maculosa et , quodcumque furvum in ovibus et maculosum variumque in capris fuerit , erit merces mea .
=S=> Gen 30,33 Respondebitque mihi cras iustitia mea ; quando veneris , ut inspicias mercedem meam , omnia , quae non fuerint varia et maculosa in capris et furva in ovibus , furti me arguent ” .
=S=> Gen 30,34 Dixit Laban : “ Gratum habeo , quod petis ! ” .
=S=> Gen 30,35 Et separavit in die illo hircos striatos atque maculosos et omnes capras varias et maculosas , omne , in quo album erat , et omne furvum in ovibus , et tradidit in manu filiorum suorum .
=S=> Gen 30,36 Et posuit spatium itineris trium dierum inter se et Iacob , qui pascebat reliquos greges Laban .
=S=> Gen 30,37 Tollens ergo Iacob virgas virides populeas et amygdalinas et ex platanis , ex parte ita decorticavit eas , ut in his , quae spoliata fuerant , candor appareret .
=S=> Gen 30,38 Posuitque virgas , quas ex parte decorticaverat , in canalibus , ubi effundebatur aqua , ut , cum venissent greges ad bibendum , ante oculos haberent virgas et in aspectu earum conciperent .
=S=> Gen 30,39 Factumque est ut in ipso calore coitus greges intuerentur virgas et parerent striata et varia et maculosa .
=S=> Gen 30,40 Agnos autem segregavit Iacob et posuit gregem ex adverso striatorum et omnium furvorum in grege Laban et constituit sibi greges seorsum neque statuit eos cum grege Laban .
=S=> Gen 30,41 Quotiescumque igitur calefiebant pecora robusta , ponebat Iacob virgas in canalibus aquarum ante oculos pecorum , ut in earum contemplatione conciperent .
=S=> Gen 30,42 Quando vero pecora debilia erant , non ponebat eas . Factaque sunt debilia Laban et robusta Iacob ;
=S=> Gen 30,43 ditatusque est homo ultra modum et habuit greges multos , ancillas et servos , camelos et asinos .
|
