545
=U2= 12,1-9 -- Abrahams Berufung und Wanderung nach Kanaan
--
=S=> Gen 12,1 Dixit autem Dominus ad Abram : “Egredere de terra tua et de cognatione tua et de domo patris tui in terram , quam monstrabo tibi .
=S=> Gen 12,2 Faciamque te in gentem magnam et benedicam tibi et magnificabo nomen tuum , erisque in benedictionem .
=S=> Gen 12,3 Benedicam benedicentibus tibi et maledicentibus tibi maledicam , atque in te benedicentur universae cognationes terrae !” .
=S=> Gen 12,4 Egressus est itaque Abram , sicut praeceperat ei Dominus , et ivit cum eo Lot . Septuaginta quinque annorum erat Abram , cum egrederetur de Charran .
=S=> Gen 12,5 Tulitque Sarai uxorem suam et Lot filium fratris sui universamque substantiam , quam acquisiverant , et animas , quas fecerant in Charran , et egressi sunt , ut irent in terram Chanaan ; et venerunt in terram Chanaan .
=S=> Gen 12,6 Pertransivit Abram terram usque ad locum Sichem , usque ad Quercum Moreh . Chananaeus autem tunc erat in terra .
=S=> Gen 12,7 Apparuit autem Dominus Abram et dixit ei : “Semini tuo dabo terram hanc” . Qui aedificavit ibi altare Domino , qui apparuerat ei .
=S=> Gen 12,8 Et inde transgrediens ad montem , qui erat contra orientem Bethel , tetendit ibi tabernaculum suum ab occidente habens Bethel et ab oriente Hai ; aedificavit quoque ibi altare Domino et invocavit nomen Domini .
=S=> Gen 12,9 Perrexitque Abram de mansione in mansionem usque ad Nageb .
=U2= 12,10-20 -- Abraham und Sara in Ägypten
--
=S=> Gen 12,10 Facta est autem fames in terra ; descenditque Abram in Aegyptum , ut peregrinaretur ibi ; praevaluerat enim fames in terra .
=S=> Gen 12,11 Cumque prope esset , ut ingrederetur Aegyptum , dixit Sarai uxori suae : “Novi quod pulchra sis mulier
=S=> Gen 12,12 et quod , cum viderint te Aegyptii , dicturi sunt : Uxor ipsius est ; et interficient me et te reservabunt .
=S=> Gen 12,13 Dic ergo , obsecro te , quod soror mea sis , ut bene sit mihi propter te , et vivat anima mea ob gratiam tui” .
=S=> Gen 12,14 Cum itaque ingressus esset Abram Aegyptum , viderunt Aegyptii mulierem quod esset pulchra nimis ,
=S=> Gen 12,15 et viderunt eam principes pharaonis et laudaverunt eam apud illum ; et sublata est mulier in domum pharaonis .
=S=> Gen 12,16 Abram vero bene usus est propter illam ; fueruntque ei oves et boves et asini et servi et famulae et asinae et cameli .
=S=> Gen 12,17 Flagellavit autem Dominus pharaonem plagis maximis et domum eius propter Sarai uxorem Abram .
=S=> Gen 12,18 Vocavitque pharao Abram et dixit ei : “Quidnam est hoc quod fecisti mihi ? Quare non indicasti mihi quod uxor tua esset ?
=S=> Gen 12,19 Quam ob causam dixisti esse sororem tuam , ut tollerem eam mihi in uxorem ? Nunc igitur , ecce coniux tua : accipe eam et vade !” .
=S=> Gen 12,20 Praecepitque pharao super Abram viris ; et deduxerunt eum et uxorem illius et omnia , quae habebat .
|
