668
=U2= 9,1-17 -- Gottes Bund mit Noach
--
=S=> Gen 9,1 Benedixitque Deus Noe et filiis eius et dixit ad eos : “Crescite et multiplicamini et implete terram .
=S=> Gen 9,2 Et terror vester ac tremor sit super cuncta animalia terrae et super omnes volucres caeli cum universis , quae moventur super terram ; omnes pisces maris manui vestrae traditi sunt .
=S=> Gen 9,3 Omne , quod movetur et vivit , erit vobis in cibum ; quasi holera virentia tradidi vobis omnia ,
=S=> Gen 9,4 excepto quod carnem cum anima , quae est in sanguine , non comedetis .
=S=> Gen 9,5 Sanguinem enim animarum vestrarum requiram de manu cunctarum bestiarum ; et de manu hominis , de manu viri fratris eius requiram animam hominis .
=S=> Gen 9,6 Quicumque effuderit humanum sanguinem , per hominem fundetur sanguis illius ; ad imaginem quippe Dei factus est homo .
=S=> Gen 9,7 Vos autem crescite et multiplicamini et pullulate super terram et dominamini ei” .
=S=> Gen 9,8 Haec quoque dixit Deus ad Noe et ad filios eius cum eo :
=S=> Gen 9,9 “Ecce ego statuam pactum meum vobiscum et cum semine vestro post vos
=S=> Gen 9,10 et ad omnem animam viventem , quae est vobiscum tam in volucribus quam in iumentis et in omnibus bestiis terrae , quae sunt vobiscum , cunctis , quae egressa sunt de arca , universis bestiis terrae .
=S=> Gen 9,11 Statuam pactum meum vobiscum ; et nequaquam ultra interficietur omnis caro aquis diluvii , neque erit deinceps diluvium dissipans terram” .
=S=> Gen 9,12 Dixitque Deus : “Hoc signum foederis , quod do inter me et vos et ad omnem animam viventem , quae est vobiscum , in generationes sempiternas :
=S=> Gen 9,13 arcum meum ponam in nubibus , et erit signum foederis inter me et inter terram .
=S=> Gen 9,14 Cumque obduxero nubibus caelum , apparebit arcus meus in nubibus ,
=S=> Gen 9,15 et recordabor foederis mei vobiscum et cum omni anima vivente , quae carnem vegetat ; et non erunt ultra aquae diluvii ad delendum universam carnem .
=S=> Gen 9,16 Eritque arcus in nubibus , et videbo illum et recordabor foederis sempiterni , quod pactum est inter Deum et omnem animam viventem universae carnis , quae est super terram” .
=S=> Gen 9,17 Dixitque Deus ad Noe : “Hoc erit signum foederis , quod constitui inter me et omnem carnem super terram” .
=U2= 9,18-29 -- Noachs Fluch und Segen
--
=S=> Gen 9,18 Erant ergo filii Noe , qui egressi sunt de arca , Sem , Cham et Iapheth . Porro Cham ipse est pater Chanaan .
=S=> Gen 9,19 Tres isti filii sunt Noe , et ab his disseminatum est omne hominum genus super universam terram .
=S=> Gen 9,20 Coepitque Noe agricola plantare vineam ;
=S=> Gen 9,21 bibensque vinum inebriatus est et nudatus in tabernaculo suo .
=S=> Gen 9,22 Quod cum vidisset Cham pater Chanaan , verenda scilicet patris sui esse nudata , nuntiavit duobus fratribus suis foras .
=S=> Gen 9,23 At vero Sem et Iapheth pallium imposuerunt umeris suis et incedentes retrorsum operuerunt verecunda patris sui , faciesque eorum aversae erant , et patris virilia non viderunt .
=S=> Gen 9,24 Evigilans autem Noe ex vino , cum didicisset , quae fecerat ei filius suus minor ,
=S=> Gen 9,25 ait : Maledictus Chanaan ! Servus servorum erit fratribus suis” .
=S=> Gen 9,26 Dixitque : Benedictus Dominus Deus Sem ! Sitque Chanaan servus eius .
=S=> Gen 9,27 Dilatet Deus Iapheth , et habitet in tabernaculis Sem , sitque Chanaan servus eius” .
=S=> Gen 9,28 Vixit autem Noe post diluvium trecentis quinquaginta annis .
=S=> Gen 9,29 Et impleti sunt omnes dies eius nongentorum quinquaginta annorum , et mortuus est .
|
