558
=U2= 6,1-8 -- Die Bosheit der Menschen
--
=S=> Gen 6,1 Cumque coepissent homines multiplicari super terram et fi lias procreassent ,
=S=> Gen 6,2 videntes filii Dei filias hominum quod essent pulchrae , acceperunt sibi uxores ex omnibus , quas elegerant .
=S=> Gen 6,3 Dixitque Deus : “Non permanebit spiritus meus in homine in aeternum , quia caro est ; eruntque dies illius centum viginti annorum” .
=S=> Gen 6,4 Gigantes erant super terram in diebus illis et etiam postquam ingressi sunt filii Dei ad filias hominum , illaeque eis genuerunt : isti sunt potentes a saeculo viri famosi .
=S=> Gen 6,5 Videns autem Dominus quod multa malitia hominum esset in terra , et cuncta cogitatio cordis eorum non intenta esset nisi ad malum omni tempore ,
=S=> Gen 6,6 paenituit Dominum quod hominem fecisset in terra . Et tactus dolore cordis intrinsecus :
=S=> Gen 6,7 “Delebo , inquit , hominem , quem creavi , a facie terrae , ab homine usque ad pecus , usque ad reptile et usque ad volucres caeli ; paenitet enim me fecisse eos” .
=S=> Gen 6,8 Noe vero invenit gratiam coram Domino .
=U2= 6,9-22 -- Gottes Sorge um Noach
--
=S=> Gen 6,9 Hae sunt generationes Noe : Noe vir iustus atque perfectus fuit in generatione sua ; cum Deo ambulavit .
=S=> Gen 6,10 Et genuit tres filios : Sem , Cham et Iapheth .
=S=> Gen 6,11 Corrupta est autem terra coram Deo et repleta est iniquitate .
=M=> Gen 6,12 Cumque vidisset Deus terram esse corruptam omnis quippe caro corruperat viam suam super terram
=S=> Gen 6,13 dixit ad Noe : “Finis universae carnis venit coram me ; repleta est enim terra iniquitate a facie eorum , et ecce ego disperdam eos de terra .
=S=> Gen 6,14 Fac tibi arcam de lignis cupressinis ; mansiunculas in arca facies et bitumine linies eam intrinsecus et extrinsecus .
=S=> Gen 6,15 Et sic facies eam : trecentorum cubitorum erit longitudo arcae , quinquaginta cubitorum latitudo et triginta cubitorum altitudo illius .
=S=> Gen 6,16 Fenestram in arca facies et cubito consummabis summitatem eius . Ostium autem arcae pones ex latere ; tabulatum inferius , medium et superius facies in ea .
=S=> Gen 6,17 Ecce ego adducam diluvii aquas super terram , ut interficiam omnem carnem , in qua spiritus vitae est subter caelum : universa , quae in terra sunt , consumentur .
=S=> Gen 6,18 Ponamque foedus meum tecum ; et ingredieris arcam tu et filii tui , uxor tua et uxores filiorum tuorum tecum .
=S=> Gen 6,19 Et ex cunctis animantibus universae carnis bina induces in arcam , ut vivant tecum , masculini sexus et feminini .
=S=> Gen 6,20 De volucribus iuxta genus suum et de iumentis in genere suo et ex omni reptili terrae secundum genus suum : bina de omnibus ingredientur ad te , ut possint vivere .
=S=> Gen 6,21 Tu autem tolle tecum ex omnibus escis , quae mandi possunt , et comportabis apud te ; et erunt tam tibi quam illis in cibum” .
=S=> Gen 6,22 Fecit ergo Noe omnia , quae praeceperat illi Deus ; sic fecit .
|
