508
=S=> Gen 2,5 omne virgultum agri , antequam oriretur in terra , omnisque herba regionis , priusquam germinaret ; non enim pluerat Dominus Deus super terram , et homo non erat , qui operaretur humum ,
=S=> Gen 2,6 sed fons ascendebat e terra irrigans universam superficiem terrae
=S=> Gen 2,7 tunc formavit Dominus Deus hominem pulverem de humo et inspiravit in nares eius spiraculum vitae , et factus est homo in animam viventem .
=S=> Gen 2,8 Et plantavit Dominus Deus paradisum in Eden ad orientem , in quo posuit hominem , quem formaverat .
=S=> Gen 2,9 Produxitque Dominus Deus de humo omne lignum pulchrum visu et ad vescendum suave , lignum etiam vitae in medio paradisi lignumque scientiae boni et mali .
=S=> Gen 2,10 Et fluvius egrediebatur ex Eden ad irrigandum paradisum , qui inde dividitur in quattuor capita .
=S=> Gen 2,11 Nomen uni Phison : ipse est , qui circuit omnem terram Hevila , ubi est aurum ;
=S=> Gen 2,12 et aurum terrae illius optimum est ; ibi invenitur bdellium et lapis onychinus .
=S=> Gen 2,13 Et nomen fluvio secundo Geon : ipse est , qui circuit omnem terram Aethiopiae .
=S=> Gen 2,14 Nomen vero fluminis tertii Tigris : ipse vadit ad orientem Assyriae . Fluvius autem quartus ipse est Euphrates .
=S=> Gen 2,15 Tulit ergo Dominus Deus hominem et posuit eum in paradiso Eden , ut operaretur et custodiret illum ;
=S=> Gen 2,16 praecepitque Dominus Deus homini dicens : “Ex omni ligno paradisi comede ;
=S=> Gen 2,17 de ligno autem scientiae boni et mali ne comedas ; in quocumque enim die comederis ex eo , morte morieris” .
=S=> Gen 2,18 Dixit quoque Dominus Deus : “Non est bonum esse hominem solum ; faciam ei adiutorium simile sui” .
=S=> Gen 2,19 Formatis igitur Dominus Deus de humo cunctis animantibus agri et universis volatilibus caeli , adduxit ea ad Adam , ut videret quid vocaret ea ; omne enim , quod vocavit Adam animae viventis , ipsum est nomen eius .
=S=> Gen 2,20 Appellavitque Adam nominibus suis cuncta pecora et universa volatilia caeli et omnes bestias agri ; Adae vero non inveniebatur adiutor similis eius .
=S=> Gen 2,21 Immisit ergo Dominus Deus soporem in Adam . Cumque obdormisset , tulit unam de costis eius et replevit carnem pro ea ;
=S=> Gen 2,22 et aedificavit Dominus Deus costam , quam tulerat de Adam , in mulierem et adduxit eam ad Adam .
=S=> Gen 2,23 Dixitque Adam : “Haec nunc os ex ossibus meis et caro de carne mea ! Haec vocabitur Virago , quoniam de viro sumpta est haec” .
=S=> Gen 2,24 Quam ob rem relinquet vir patrem suum et matrem et adhaerebit uxori suae ; et erunt in carnem unam .
=S=> Gen 2,25 Erant autem uterque nudi , Adam scilicet et uxor eius , et non erubescebant .
|
