272
=S=> Am 8,5 dicentes : Quando transibit neomenia , et venumdabimus merces ? Et sabbatum , et aperiemus frumentum , ut imminuamus mensuram et augeamus siclum et supponamus stateras dolosas ,
=S=> Am 8,6 ut possideamus in argento egenos et pauperem pro calceamentis et quisquilias frumenti vendamus? " .
=S=> Am 8,7 Iuravit Dominus in superbia Iacob : Non obliviscar in perpetuum omnia opera eorum .
=S=> Am 8,8 Numquid super isto non commovebitur terra , et lugebit omnis habitator eius , et ascendet quasi fluvius universa , fervebit et decrescet quasi flumen Aegypti ?
=S=> Am 8,9 Et erit : in die illa , dicit Dominus Deus , occidere faciam solem in meridie et tenebrescere faciam terram in die luminis
=S=> Am 8,10 et convertam festivitates vestras in luctum et omnia cantica vestra in planctum ; et inducam super omnes lumbos saccum et super omne caput calvitium ; et ponam eam quasi luctum unigeniti et novissima eius quasi diem amarum .
=S=> Am 8,11 Ecce dies veniunt , dicit Dominus , et mittam famem in terram ; non famem panis neque sitim aquae , sed audiendi verbum Domini .
=S=> Am 8,12 Et fugient a mari usque ad mare ; et ab aquilone usque ad orientem circuibunt , quaerentes verbum Domini , et non invenient .
=S=> Am 8,13 In die illa deficient virgines pulchrae et adulescentes in siti .
=S=> Am 8,14 Qui iurant in delicto Samariae et dicunt : Vivit Deus tuus , Dan ! et Vivit via , Bersabee ! , et cadent et non resurgent ultra .
|
